Une sérigraphie de Jeannot Lunkes

20 ans d’aide humanitaire de l’ONGD-FNEL scouts & guides

A l'occasion du 20^e anniversaire de la réalisation de son premier projet de développement, l'ONGD-FNEL scouts & guides pour le développement communautaire ASBL édite une sérigraphie de l'artiste Jeannot LUNKES aux dimensions de 50x65 cm. Le tirage est limité à 75 exemplaires.

ONGD-FNEL scouts & guides aktiv op Haïti

Eise Projet „Hëllef fir de Centre de formation „Ti Solèy Levé“ (TSL)“ zu Akil Samdi, am Nord-Oste vun Haïti, besteet zënter 2004. Ufanks hu mir d’Spillschoul  « Ti Solèy Levé » ënnerstëtzt, déi am Joer 2000 vun de Frae vu Akil Samdi gegrënnt gouf, an zum Ziel hat, fir d’Spillschoulswiesen op Haïti ze förderen.  Virun der Grënnung vun TSL huet et keng Spillschoulen op Haïti ginn, an d’Kanner hunn hier Scolaritéit mam 1. Primärschouljoer ugefaang.

Am Laf vun der Zäit, huet d’Iddi vun der Spillschoul hiere Wee gemaach, an haut ass an der deemoleger Schoul e Centre de formation fir jonk Enseignanten ageriicht. Wat also am Ufank e Projet vu Frae fir Fraen a kleng Kanner wor, ass lues a lues e pedagogesche Projet op regionalem Niveau ginn.

An de Joren 2004 bis 2006 huet den Educatiounsministère vu Haïti schrëttweis en offizielle Programm fir Spillschoulen op d’Bee gestallt an en Opruff un d’Editeure geriicht, fir déi entspriechend Schoulbicher ze produzéieren.

D’Spillschoul TSL huet hier Diren 2006 zougemaach an ass an den heitege Centre de formation pédagogique ëmgewandelt ginn. Deem säi Rôle ass et, d’Schoulen aus der Regioun a punkto Enseignement, Organisatioun, Hygiène a pedagogeschem Material ze beroden a gläichzäiteg d’Léierpersonal bei der Formation continue fir den Enseignement préscolaire, primaire a secondaire, ze ënnerstëtzen. De Centre de formation „Ti Solèy Levé“ dréit esou zur Verbesserung vum Schoulwiesen am Land bäi.

TSL gëtt dobäi och vun der belscher Universitéit vu Sint-Lieven (Gent, Aalst, Saint-Nicolas) beroden an épauléiert. Pro Joer participéieren eng 180 haïtianesch Enseignanten un de Formatiounssessiounen, an doduerch komme pro Joer ongeféier 9.000 Kanner am Alter vu 4 bis 18 Joer, an de Genoss vun engem appropriéierten a méi performanten Enseignement.

Den Exekutivkomitee vum Centre pédagogique TSL ass eise Partner op der Plaz. D’Jeannine De Beleyr, eng diploméiert belsch Educatrice fir handicapéiert Kanner, ass Coordinatrice a Responsabel fir eise Projet. D’Jeannine ass zënter 1996 op HaÏti aktiv.

Hëllef fir Haïti !

Wann dir mathëllefe wëllt fir Haïti no dem uergen Äerdbiewen erëm opzebauen, dann ënnerstëtzt eise Projet vum Bau vun enger Primärschoul. Mir envisagéieren déi Aarbechtenn, mat eisem lokale Partner TSL, nach dëst Joer ulafen ze loossen.

Dir kënnt eis duefir en Don maachen op de Konto BGLL  LU57 0030 4609 8575 0000 mat der Mentioun „Hëllef fir Haïti". Dir gitt regelméisseg am „de scout" iwwert d'Evolutioun vum Projet informéiert.